مکمل پاکستان پارٹی کے بارے میں

مکمل پاکستان پارٹی 14 اگست 2025ء کو محمد عبدالمتین ہاشمی کی قیادت میں قائم ہوئی۔ پارٹی کا نعرہ "ایمان، اتحاد، تنظیم" ہے اور مقصد ایک مضبوط، خوشحال، خودمختار اور مکمل پاکستان کی تعمیر ہے۔ پارٹی نوجوان قیادت، شفافیت، احتساب، میرٹ، قانون کی بالادستی اور مقامی حکومتوں کے استحکام پر یقین رکھتی ہے، اور معاشی ترقی، کاروبار کے فروغ، خواتین کی بااختیاری اور عوامی خدمت کو اپنی سیاست کا محور بناتی ہے۔

تاریخ اور قیام کا مقصد

مکمل پاکستان پارٹی کا قیام 14 اگست 2025ء کو عمل میں آیا۔ بانی و چیئرمین محمد عبدالمتین ہاشمی نے پاکستان کے گزشتہ دو عشروں کے سیاسی، معاشی اور سماجی حالات کا گہرا مشاہدہ کیا اور محسوس کیا کہ ملک کو سیاسی کشمکش، معاشی مشکلات، بے روزگاری اور کاروباری رکاوٹوں کا سامنا رہا ہے۔ اسی سوچ کے تحت پارٹی نے خدمت، معاشی ترقی، کاروبار، اتحاد اور تنظیم کو اپنا بنیادی مقصد بنایا۔ 14 اگست، یومِ آزادی، کو قیام کے لیے اس لیے چنا گیا تاکہ پاکستان کی آزادی کو ایک مسلسل قومی ذمہ داری اور تعمیرِ وطن کے مشن کے طور پر آگے بڑھایا جائے

وژن اور مشن

مکمل پاکستان پارٹی ایک ایسے پاکستان کا خواب دیکھتی ہے جو معاشی طور پر مضبوط، قومی سطح پر متحد، ادارہ جاتی طور پر منظم، عوامی سطح پر بااختیار اور ہر شہری کے لیے خوشحال ہو۔ چیئرمین کا وژن: "پاکستان کو ایسی فلاحی، خودمختار اور ترقی یافتہ ریاست بنانا جہاں ہر شہری خود کو محفوظ، باعزت اور بااختیار محسوس کرے نوجوان قیادت کو فروغ دینا، مؤثر و مضبوط نظامِ حکمرانی قائم کرنا، قانون کی بالادستی، شفافیت، احتساب اور میرٹ کو یقینی بنانا، مقامی حکومتوں کو مستحکم کرنا، اور معاشی ترقی، کاروبار، خواتین کی بااختیاری، تعلیم، صحت اور روزگار کے ذریعے ہر شہری کو مساوی مواقع فراہم کرنا۔

پارٹی قیادت

بانی چیئرمین

محمد عبدالمتین ہاشمی

محمد عبدالمتین ہاشمی کی پیدائش اور پرورش اسلام آباد میں ہوئی۔ آٹھ سال کی عمر میں والد کے تبادلے پر جدہ، سعودی عرب منتقل ہوئے اور پاکستان ایمبیسی اسکول جدہ سے تعلیم حاصل کی۔ واپسی پر راولپنڈی میں سکونت اختیار کی۔ NUML اسلام آباد سے ماسٹر ڈگری حاصل کی۔ راولپنڈی بورڈ آف ایجوکیشن اور لیبر منسٹری اسلام آباد میں ملازمت کی، اور NUML، COMSATS و CUST یونیورسٹیز میں تدریس کی۔ انٹر کالجیٹ کرکٹ میں بیسٹ باولر رہے۔ ایک اخبار کے مالک اور کتاب کے مصنف ہیں۔ نوجوانی سے سیاست میں دلچسپی رہی، سماجی کام بھی کیا، اور 14 اگست 2025ء کو مکمل پاکستان پارٹی کی بنیاد رکھی جس کے وہ بانی چیئرمین ہیں۔ ساتھ ہی اپنا کاروبار بھی کر رہے ہیں۔

چیئرمین کا مکمل تعارف